......నీవేలే.........

తెలుగు గజల్ .....

జీవితంని వెలిగించిన హితైషిణివి నీవేలే 
వెలుగులోకి నడిపించే మధుభాషిణి నీవేలే

మంచుతోన వాకిలినే తడిపిందీ ఆకాశం
హరివిల్లునె ముగ్గులుగా దిద్దిందీ నీవేలే

మనసులోని భావాలే జడివానగ కురుస్తుంటె
ఊహలలో తడుపుతున్న నెచ్చెలివి నీవేలే

రెప్పలపై తచ్చాడుతు మనసంతా నీరాగమె
హృదయవీణ మీటుతున్నకలలరాణి నీవేలే

చీకటినే పారద్రోలు వెలుగురేఖ నేనైతే
రాలుతున్న నవ్వులతో మురుస్తుంది నీవేలే

మూసుకున్న కనులతోన నీ రూపం చూస్తానూ
మనసంతా అల్లుకున్న సుభాషిణివి నీవేలే

నీ పదాల పదనిసలో పరవశించు హృదయాలు
అక్షరాల మాలలల్లు కవిత 'వాణి' నీవేలే

....... వాణి