.....అలా వచ్చి వెళ్ళింది......

గజల్ 

స్వప్నంలో చెలి నవ్వే అలా వచ్చి వెళ్ళింది
తను తాకిన విరి గాలే అలా వచ్చి వెళ్ళింది

తలపంతా నీ ఊహలు సందడులే చేస్తుంటే
మెరుపులాగ నీ రూపే అలా వచ్చివెళ్ళింది

సుమాలన్ని విరబూసి మకరందం నింపుకుంటె
దోచుకొనే తుమ్మెదయే అలా వచ్చి వెళ్ళింది

మనసులోకి నడుస్తూ నీ కోసం గాలిస్తూ
తలపులలో నీ కలయే అలా వచ్చి వెళ్ళింది

నిశలులేని రాత్రులకై నే ఎదురు చూస్తుంటే
సంబరాల వెండి వెలుగే అలా వచ్చి వెళ్ళింది

......వాణి కొరటమద్ది