... గడపాలని ఉంది......
తెలుగు గజల్.....
నీమమతల జల్లులలో తడవాలని ఉంది నాకు
కొత్తపూల దారులలో నడవాలని ఉంది నాకు
కొత్తపూల దారులలో నడవాలని ఉంది నాకు
చిగురించే కొమ్మలలో కోయిలనై దాగుంటూ
మురిపించే రాగాలతొ కూయాలని ఉంది నాకు
మురిపించే రాగాలతొ కూయాలని ఉంది నాకు
పరిగెత్తే పసితననాలు మరల నాకు మొదలైతే
జన్మంతా బాల్యంలో గడపాలని ఉంది నాకు
జన్మంతా బాల్యంలో గడపాలని ఉంది నాకు
కనిపించని ఆశేదో మిణుగురులా మెరుస్తుంటె
కోరికలే వెల్లువలై కురవాలని ఉంది నాకు
కోరికలే వెల్లువలై కురవాలని ఉంది నాకు
జాబిలమ్మ కప్పుకున్న నిశి దుప్పటి తొలగిస్తూ
వెన్నెలంత హత్తుకుంటు మెరవాలని ఉంది నాకు
వెన్నెలంత హత్తుకుంటు మెరవాలని ఉంది నాకు
అరమూసిన కన్నులతో కలవరింత నాదేలే
నీ స్వరముల 'వాణి' లాగ మురవాలని ఉంది నాకు
నీ స్వరముల 'వాణి' లాగ మురవాలని ఉంది నాకు
...... వాణి
No comments:
Post a Comment