॥ అపురూపం ॥ 

మదివనాన్నిమురిపించే నీనవ్వులే అపురూపం ॥
మెరిసేటీ నీవదనపు హర్షాలే అపురూపం॥

చిన్నారుల మురిపాలను తీర్చాలని ఆరాటం
ఆఆశలు తీరినపుడు వేడుకలే అపురూపం॥

నిదురించే మనసులోన సంతోషం నీ ఊహలు
మురుసేటీ మానసంకి నీస్పర్శలే అపురూపం ॥

సడిచేయని ఎదలోతున యోచించే భావమే
మౌనంలో వెలికివచ్చు మర్మాలే అపురూపం ॥

నీ అడుగులు పలుకుతున్న జతులన్నీ నాకోసమె
నవరసాలు ఒలుకుతున్న జావళీలే అపురూపం!!

మౌనములో ఊసులన్ని దాచుంచా నీకొరకే
నీచెవిలో విప్పుతున్న గుసగుసలే అపురూపం!!

సముద్రంలో నీటితోన ప్రయోజనము లేకున్నా
జలనిధిలో దాగుండే ముత్యాలే అపురూపం ॥

కడలిలోన కల్లోల్లం ఎప్పుడైన అనివార్యం
ఓటమెరుగని తరంగాల పాఠాలే అపురూపం ॥

జ్ఞాపకంగ మిగిలాయీ బాల్యాలే పదిలంగా
చిన్ననాటి అనుభూతుల మధురాలే అపురూపం ॥

మధుర 'వాణి' ఒలికించిన భావాలే చిత్రమౌతు
మదిదోచిన నాప్రియతమ చెలియేలే అపురూపం॥

....వాణి ,