॥ మధురమే ॥ గజల్

అమ్మగర్భాన అంకురమైన ఆక్షణాలు మధురమే
ఉమ్మనీటిలొ ఈదులాడిన ఆరోజులు మధురమే

కేర్ కేరు మని ఏడుపుతో ప్రపంచాన్నీ చూశాము
తొట్టతొలీ ఆకలి తీర్చిన ముర్రుపాలు మధురమే

ఎన్ని ఊయలలుఊగిన తనివి తీరదు ఎప్పటికీ
ఇప్పటికీ ఆఅమ్మఒడీ ఊయలలూ మధురమే

చిలిపితనాలు అల్లరిపనులు అమ్మ మందలింపులూ
మరువలేనీ ఆఅనుభుతుల కసరింపులు మధురమే

లేని బూచాడిని చూపిస్తూ ఆకలినీ తీరుస్తూ
చందమామను రమ్మంటు ఆపాటలు మధురమే

ఊట్టుట్టీ పడంటూ అమ్మమోకాళ్ళపై ఊగాము
తిరిగిరాలేని ఆబాల్యపు సంతసాలు మధురమే

మధుర'వాణి' పలుకులతో అమ్మ మురిసిందప్పుడూ
ఇప్పటికీ అమ్మ చెప్పే ఆకబురులు మధురమే

......వాణి వెంకట్