|| ఉన్నానూ|| గజల్.........

నీ నవ్వుల ముత్యాలను ఏరుకుంటు ఉన్నానూ
నీ మాటల మల్లెలన్ని దాచుకుంటు ఉన్నానూ

నా మదిలో భావాలే కవనంలో ప్రవహిస్తూ
మనసంతా నీప్రేమే నింపుకుంటు ఉన్నానూ

జ్ఞాపకాల తోటలోన బాల్యానికి మరలవెళ్ళి
మురుస్తున్న నామనసులొనవ్వుకుంటు ఉన్నానూ

వేకువలో విరబూసే పువ్వులన్నీ నవ్వుతుంటె
పూవ్వునయ్యి మురవాలని వేడుకుంటు ఉన్నానూ

ఇల అంతా వణికించే చలిదుప్పటి నీడలో
నులివెచ్చని కిరణాలను కోరుకుంటు ఉన్నాను

మౌనంలో మధుర'వాణి'  అక్షరాల్లో ప్రకటిస్తూ
భావాల పరంపరలో ఒంపుకుంటు ఉన్నానూ

......వాణి
21 jan 15