॥ నీవేగా ॥ గజల్ 


ప్రియమార నాహృదిలో మెదులుతోంది నీవేగా!! 
ఊపిరిలో శబ్దాలుగా ఇముడుతోంది నీవేగా!!



నీప్రేమంత కురిసె నాలో తడుపుతున్న జడివానగ
సంతోషపు సవ్వడిలో ఒలుకుతొంది నీవేగా!!



నా కనులలొ కురిసేటీ ఆశలన్ని తీర్చాలని 
నా మనసును గెలవాలని తపిస్తోంది నీవేగా!! 



మీనాలే నాకన్నులు నీ ఊహల మెరుపులతో 
రేయిపగలూ నాధ్యాసలో ప్రేమిస్తోంది నీవేగా !!



మధుర 'వాణి' మౌనంలో కలవరింత నీదేలే 
నిశ్శబ్దపు ఊహలనీ దాస్తోంది నీవేగా !!



....వాణి