॥ ఒకటొకటిగ॥గజల్ 

అనుభవాల జ్ఞాపకాలే ఏరుతున్నా ఒకటొకటిగ!!
కాగితంలో అక్షరాలుగ పేర్చుతున్నా ఒకటొకటిగ!!

అమ్మనైన తియ్యదనం మరువలేని అద్భుతం
అలనాటి మురిపాలను లిఖిస్తున్నా ఒకటొకటిగ!!

గాయపడిన సందర్భమె మేల్కొలిపెను మనసునూ
గతంనేర్పిన పాఠాలను కూర్చుతున్నా ఒకటొకటిగ!!

గతకాలపు సంఘటనలో మదిదాచిన గుర్తులెన్నో
గెలుపోటమి అనుభూతులు చేర్చుతున్నా ఒకటొకటిగ!!

ఏకాకిగ మిగిలిపోతు బంధాలే దూరమౌతు
అన్యోన్యత ముచ్చటలే రచిస్తున్నా ఒకటొకటిగ!!

మానవత్వం మాసిపోయిన సమాజంలొ మసలుతున్నా
స్పందించే మనసులనూ కలుపుతున్నా ఒకటొకటిగ!!

.....వాణి,