॥ మాయమై॥ గజల్ 

సమాజమే చిన్నబోతు మానవత్వం మాయమై ॥ 

దూరమవుతు బంధాలే ప్రేమతత్వం మాయమై॥  

వయసుతేడా లేనె లేదు వావి వరుస లేనె లేవు 

మృగాలుగ మారిపోతు మనిషితత్వం మాయమై ॥  

ప్రజాసేవ పేరుకేగ వారిధనం దోచుకుంటు 

రాజ్యమేలె స్వార్ధపరుల త్యాగతత్వం మాయమై॥   

కోవెలలో  అయినగాని  నేతలకే దండమంటు 

సామాన్యులు మౌనమాయె దైవతత్వం మాయమై ॥   

మధుర'వాణి'అక్షరాలే అల్లుతోంది మార్పుకై 

కోరుకుంటు పాలకులలొఆశతత్వం మాయమై ॥   

 

......వాణి