॥ దాచింది ॥ గజల్ 

నా నెచ్చెలి కురులనిండ మరుమల్లెలు దాచింది
గులాబీల బుగ్గలలొ నునుసిగ్గులు దాచింది!!

ఎదురుచూచు కన్నులలో ఆశలేవొ నింపుకుని
గమ్మత్తుగ నాకొరకే మైమరపులు దాచింది!!

ఊహకాదు కలకాదు కంటి ముందు కదలాడుతు
నిరీక్షణలో తన అందపు పులకింతలు దాచింది!!

నాహృదయపు స్పర్శలతొ తనుమురిసి పోవాలని
వేచివుంటు నారాకకు ప్రేమసుధలు దాచింది !!

మధుర'వాణి' పలకరింపు మురిపాలనే పంచాలని
నాచెలిమే  కోరుకుంటు నిశ్శబ్దాలు దాచింది !!

........వాణి