॥ నీవే అయితే చాలు ॥ గజల్

సాంతం తోడుగ స్నేహం నీవే అయితే చాలు ॥
మమతగ మెదిలే నేస్తం నీవే అయితే చాలు ॥

మౌనపు తెరలో మాటలు మరచా నీ ఊహలలో
మనసున మెరిసే లాస్యం నీవే అయితే చాలు॥

కోరిన ప్రేమే గెలుపుల శిఖరం చేరిందిపుడే
తలపుల వలపుల తీరం నీవే అయితే చాలు॥

మనసున నిన్నే నిత్యం పిలిచే వరమే ఇవ్వు
అభిలాషించిన రాగం నీవే అయితే చాలు ॥

మదియుహలలో ప్రియతమ కదలిక మధురం కాదా
తలచిన మెదిలే రూపం నీవే అయితే చాలు ॥

హృదయంలోనె కోవెల కట్టీ నిన్నే నిలిపా
వెలిగే దీపపు తేజం నీవే అయితే చాలు॥

పెదవుల 'వాణీ' నామం నాదం నీదే అవుతూ
కవితలొ ఒలికే భావం నీవే అయితే చాలు॥

......వాణి