గజల్...........

చీకటైనా వెలుగు ఐనా రోజులోనే ఉంటవీ ||
గెలుపు ఐనా ఓటమైనా నేర్పులోనే ఉంటవీ ||

భూమిపైనీ నీటినేగా మబ్బురాల్చే చినుకులూ
ఎక్కడెక్కడి జలములన్నీ నేలలోనే ఉంటవీ ||

అలసటన్నది మరచిపోదుము నిదురజగతిని ఏలుతూ
సుఖముఐనా స్వప్నమైనా నిదురలోనే ఉంటవీ ||

గాయమైనా గతముఐనా మిగిలిపోవును గుర్తుగా
అనుభూతులూ అనుభవాలూ బతుకులోనే ఉంటవీ ||

జన్మఎత్తిన ప్రాణికెల్లా ఎదురౌనులె కలతలెన్నొ
సౌఖ్యమైనా దు:ఖమైనా ఆత్మలోనే ఉంటవీ ||

నవ్వులోనూ బాధలోనూ నయనమొలుకును తడులనే
మనసుస్పందన ఋజువులన్నీ కనులులోనే ఉంటవీ ||

మౌన'వాణీ' మనసుగుచ్చుతు చెరిగిపోని చేదుగుర్తు
గాధలన్నీ గేయమౌతూ మనసులోనే ఉంటవీ ||

...వాణి , 29 oct 15