గజల్..........
మమతలద్ది మానసాన్ని ఊరడించి పోరాదా ||
మదివాకిట ప్రేమసిరులు కురిపించీ పోరాదా ||
మదివాకిట ప్రేమసిరులు కురిపించీ పోరాదా ||
కంటిమెరుపు కానుకలే నా ముంగిట నిలిపుంచి
గతాలలో కాలాలను నిలువరించి పోరాదా ||
గతాలలో కాలాలను నిలువరించి పోరాదా ||
చూపులలో చిరునవ్వులు చిందలేక పోతున్నా
కేరింతల వరాలనే కుమ్మరించి పోరాదా ||
కేరింతల వరాలనే కుమ్మరించి పోరాదా ||
ఎదలోతున వేదనలే తమసులలో తడబాటులె
కల్లలైన కలలతోటి పలుకరించి పోరాదా ||
కల్లలైన కలలతోటి పలుకరించి పోరాదా ||
జ్ఞాపకాల గాయాలే సమ్మెటపొట్లౌతున్నవి
మరిపుఇచ్చు కానుకలతొ అనునయించి పోరాదా ||
మరిపుఇచ్చు కానుకలతొ అనునయించి పోరాదా ||
మౌన’వాణి’ మదిలోతున విప్పలేని వేదనేదొ
ఆశ్చర్యపు ఆనందము వెల్లడించి పోరాదా ||
ఆశ్చర్యపు ఆనందము వెల్లడించి పోరాదా ||
No comments:
Post a Comment