గజల్.................

కనులనిండి సంతోషం నవ్వుతోంది కిలకిలమని ||
జాబిల్లీ నీజతగా వెలుగుతోంది మిలమిలమని ||

వీడిపోని ఆనందపు పరిమళమే నువ్వు కదా
నీ పలుకే పరవశించి ఒలుకుతోంది గలగలమని ||

చీకటిలో మిణుకువలే నీ వదనం మెరిపించెను
చందమామ నీతోడుగ నడుస్తోంది చకచకమని ||

మెరుపల్లే తళుకుమనే కాంతేదో ప్రసరించెను
నా మదిలో ఉల్లాసం పొంగుతోంది బిరబిర మని ||

మధుర’వాణి’ మదిలోతున మౌనాలే వీగిపొయె
నీ మాటల పరవశంతో నవ్వుతోంది పకపకమని ||

........వాణి , 19 oct 15