గజల్ ......

తన్మయమై పోతున్నది తలపులలో తడుస్తూ ||
అలలెన్నో హత్తుకుంది తీరాలలొ తడుస్తూ ||

కలహంసల నడకలలో ఇంపైనా అందాలే
ముసి ముసిగా ప్రియరాగం వలపులలో తడుస్తూ ||

సుగంధాల సమీరమే నన్నుతాకి వెళుతున్నది
పరిమళాల పులకింతలె ఉహలలో తడుస్తూ ||

మధురమనే నీ వాణీ మౌనంలో వింటున్నా
మదినేన్నో మెరుపుకలలు రాగాలలో తడుస్తూ ||

హరివిల్లులొ రంగులన్ని కలబోసిన చీర చుట్టి
వయారాల ప్రియభామిని జల్లులలో తడుస్తూ ||

నీ అందం అద్భుతమే కొత్తదనం వర్ణాలతొ
వస్త్రమేమో తనువుతాకి రంగులలో తడుస్తూ ||