గజల్..................

కలతలే కంటిలో కురవడం హాయిలే ||
గుండెలో బాధనే తొలగడం హాయిలే ||

మాటనే మౌనమై పలుకుతూ మనసుతో
నన్ను నే చెలిమిగా తాకడం హాయిలే ||

నీ వంత దూరమై కలలనే ఓడుతూ
కొత్తగా కానుకై చేరడం హాయిలే ||

ఉదయాల ఆశేదొ తలుపునే తట్టగా
రేయిలో స్వప్నమే మెరవడం హాయిలే ||

నిన్నంతా వెన్నెలే నేటిలో నిశలులే
చూపులో వెలుగులే వెతకడం హాయిలే ||

మమతగా వాణినే నింపుతూ ఉండవా
నీ ప్రేమ గుండెల్లో నిండడం హాయిలే ||

........వాణి,14/15

నా ప్రేమ నీమదిలొ నిలిపి వచ్చేస్తాను ||
నీ గుండె దిగులంత చెరిపి వచ్చేస్తాను ||

నీ మనసు దారుల్లో నవ్వులని పరిచేసి
చూపులలొ ఆశలను గెలిచి వచ్చేస్తాను ||

ఏవేవొ కోరికలు ఊహల్లొ గిలిగింత
నేనంటె నువ్వనీ మురిసి వచ్చేస్తాను ||

అటుచూడ ఇటుచూడ ధ్యాసనే లేదాయె
చాటుగా గమనించి తడిమి వచ్చేస్తాను ||

మౌనమే అయ్యావు వాణినే మరిచావు
అరచి అరచి పిలిచేసి అలసి వచ్చేస్తాను ||

చెదరనివ్వక కలలు చూశాను వేచాను
నీ చెంత మనసంత వదిలి వచ్చేస్తాను ||

....వాణి, 10 dec 15

గజల్....................

జ్ఞాపకాల అనుభూతులు మౌనానికి తెలుసులే ||
నిదురలేని రాత్రులెన్నొ గాయానికి తెలుసులే ||

వికసించని వెతలెన్నో చీకటైన జీవతాల్లొ
వెలుగేమిటొ భంగపడ్డ బ్రతుకులకి తెలుసులే ||

తడిస్పర్శలు కరువౌతూ చిగురించని తరువులెన్నొ
ఎదురుచూపు ఆశలెన్నొ భూమాతకి తెలుసులే ||

కలతలన్ని మరవాలని కనులు మూసుకుంటాను
కలవరాల మదిలోతులు కన్నీటికి తెలుసులే ||

శ్రమఅంత దోపిడౌతు స్వార్ధమేలు రాజ్యంలొ
చెమటచుక్క విలువేమిటొ కష్టానికి తెలుసులే ||

తల్లిప్రేమ దూరమయ్యి భాసిల్లని పసితనం
మమతలవెల ఆశించే చిన్నారికి తెలుసులే ||

....................వాణి, 11dec15

గజల్ ...............

వెలుగువెతుకు నడకలలో నాకు తోడు వస్తావా ||
చీకటిలో చింతలలొ నాకు తోడు వస్తావా ||

కనురెప్పల నీలి నీడ దూరమాయె మెరుపుఛాయ
దారిచూపు వేలుపుగా నాకు తోడు వస్తావా ||

మాటకలుపు మనసులేక మౌనముగా మిగిలున్నా
అసహాయపు క్షణాలలో నాకు తోడు వస్తావా ||

గుండెల్లో భారమాయె మదినిండుగ వేదనాయే
చెదిరిపోని చేయూతగ నాకు తోడు వస్తావా ||

జ్ఞాపకాలు విదిల్చేటి కన్నీటి గాధలెన్నొ
తడవకుండ నీడౌతూ నాకు తోడు వస్తావా ||

చెమరింతే చిందుతోంది గమనాలే గరళమౌతు
రాళ్ళల్లో ఆధరువుగ నాకు తోడు వస్తావా ||

కమ్ముకున్న నిశలతెరలు మరుపుమెరుగు అద్డలేను
మినుగురువై బాటచూప నాకు తోడు వస్తావా ||

.................వాణి, 9 dec15

గజల్ .......

నింగిలో తారగా మిగిలి పోయాను ||
కలతనై కంటిలో నిలచి పోయాను ||

గాయమే గుండెనే తడుముతూ వున్నది ||
గేయమై పాటలో ఒదిగి పోయాను ||

కడలిలో బిందువై కలసి కదిలాను
వానలో చుక్కగా కురిసి పోయాను ||

కాటుకా కంటిలో అందమే చూపులొ
చింతతొ చెమరుతూ చెదిరి పోయాను ||

వికసించు పువ్వుతో గాలిలొ పరిమళం
సంధ్యలో వడలుతూ రాలి పోయాను ||

మౌనమే పెదవిలో మాటలే మరుగునై
విప్పలేని వాణిగా నిలచి పోయాను ||

......వాణి, 8 dec15

|| గజల్ ||

ప్రభాత వెలుగులో మంచునే కురిసిపో ||
పువ్వులో తియ్యగా మధువునే నింపిపో ||

రేయంత కలలలో సంబరం నింపుతూ
గుర్తుగా నవ్వుల స్వప్నమే ఇచ్చిపో ||

మౌనాల జ్ఞాపకం ఆశనే గెలిచినా
మాటలా పరవశం వాణినే చేర్చిపో ||

కంటిలో చెమ్మగా చూపులో వెతికినా
గుండెలో చెలిమిగా ప్రేమేనే ఒలికిపో ||

నింగిలో జాబిలీ నిత్యమై నిలిచినా
మనసులో జ్యోతివై వెలుగువై నిండిపో ||

కిరణమే రంగులా చినుకులే రాల్చగా
బతుకులో ఆశల శోభనే అద్దిపో ||

………వాణి ,7 .12. 15

|| గజల్ ||

చిన్నబోయిన చెలిమినవ్వులు చేరుకుంటే హాయికాదా ||
సర్దుమణుగుతు స్పర్ధలన్నీ పలుకుతుంటే హాయికాదా||

చెలియకన్నుల తళుకులన్నీ సంతసాలను నింపుతుంటే
నిత్యకాంతులు సఖియమోమున నిలచివుంటే హాయికాదా ||

కన్నుదోయిన కురుస్తున్నవి చెమరించిన నీళ్ళు ఎన్నో
గుండెభారము కంటితడిగా తొలగుతుంటే హాయి కాదా ||

ప్రగతి దిశలో మగువఎంతగ ప్రపంచాన్నే చుట్టుతున్నా 

తారతమ్యత లేనిజగతిలొ మసలుతుంటే హాయి కాదా ||

కరిగిపోయిన కలలుఎన్నో జ్ఞాపకాలుగ రొదలుపెడుతూ
వెన్నుతట్టేడి వేకువొక్కటి హత్తుకుంటే హాయికాదా ||

మౌనభావం మనసుగదిలో పెదవిదాటగ తపనపడుతూ
'వాణి'వాక్యం కవనభాషలో ఒలుకుతుంటే హాయికాదా ||

...........వాణి, 4 Dec 15

గజల్ ....

రెప్పవాలి బుగ్గలలొ నిలవలేని సిగ్గుకదా ||
చేయివదల వెందుకలా ఓపలేని సిగ్గుకదా ||

జాబిలిటుగ మరలివుంది చూపుమార్చు ప్రియతమా
చెంతచేర లాలనగా ఓపలేని సిగ్గుకదా ||

చూడు చూడు విరులన్నీ ముసి ముసిగా నవ్వుతుండె
కులుకుచూసి విరుపులేమో చేరలేని సిగ్గుకదా ||

నలుదిశలూ ఒక్కసారి పరికించవ నేస్తమా
గాజులసడి అలికిడివిని విడువలేని సిగ్గుకదా||

మేఘమేమొ పచ్చికపై మంచుపూలు పరచింది
చలచల్లని పుడమిపైన తాళలేని సిగ్గుకదా ||

మౌనమైన ప్రణయాలు ప్రకృతిదే సాక్ష్యమౌతు
తన్మయతలొ ప్రాణసఖుని తడమలేని సిగ్గుకదా ||

........వాణి ,1 dec 15

గుండెల్లో వేదనలను తుడిచివేయు నీగజల్ ||
కంటితడిని తన్మయముతొ చెరిపివేయు నీగజల్ ||

చిరునవ్వుగ చేరదీసి చైతన్యపు దారిచూపి
మదిలోతుల భావాలకు వెలుగునీయు నీగజల్ ||

నిశ్శబ్దంలొ ఒంటరిగా ప్రవహించే భావఝరులు
నిలిచిపోవు సంపదగా చేరదీయు నీగజల్ ||

కన్నీటీ చుక్కలేగ నా వాణీ పదములనిధి
వాక్యాలకు అందమిచ్చి ఊపిరీయు నీగజల్ ||

కమ్మనైన మాత్రుభాష అక్షరమే అమ్మగా
మనసుతడిని మధురముగా వెలికితీయు నీగజల్ ||

చింతలలొ చిరుదివ్వెగ చేయూతగ తోడునిలచి
గాయాలే గానమౌతు గెలుపునీయు నీగజల్ ||

.............వాణి , ౩౦ nov 15

!! గజల్ ...!!

మౌనంలో జ్ఞాపకాల గుర్తులొలుకుతున్నాయి
చూపులలో కంటితడుల చినుకులొలుకుతున్నాయి

తరతరాల ఆత్మీయత కధలుగానె మిగిలిపోయి
మదిలోతున ఆకాంక్షతొ తపనలొలుకుతున్నాయి

అతివృష్టి అనావృష్టి గతితప్పిన ఋతువుల్లో
భారమైన జీవితముల చింతలొలుకుతున్నాయి

మానవతే శాసించే ధనముతోనె నడుస్తూ
అడుగడుగున బడుగువెతల బాధలొలుకుతున్నాయి

వరదలలో వ్యధలెన్నొ ప్రకృతిపై నిందవేస్తు
చెరువులన్ని ఆక్రమణల ఋజువులొలుకుతున్నాయి

చదువుకునే తీరుమారె చదువుకొనే రోజులాయె
వీధిబడులు ఎదురుచూచు ఆశలొలుకుతున్నాయి

......వాణి కొరటమద్ది

!! గజల్ ...!!

తననవ్వు అందమే దోచేసి పోయింది ||
తనమెరుపు తళుకుల్లొ తడిపేసి పోయింది ||

మౌనాన్ని పలికిస్తు గిలిగింత పెడుతూ
నా మనసు చిత్రాన్ని గీసేసి పోయింది ||

ఎడారి నడకల్లొ భారమై దరిచేర
దారంత తనప్రేమ చల్లేసి పోయింది ||

అడుగడుగు ముళ్ళెన్నొ ఆటంక పెడుతుంటె
తివాచిగ తనఎదను పరిచేసి పోయింది ||

దూరంగ వుంటూనె రమ్మంటు సైగతో
ఓ గాలి తన’వాణి’ చేరేసి పోయింది ||

తనవైపు సాగాయి పాదాల పరుగులు
నా తలపు తనవలపు ముడివేసి పోయింది ||

.............వాణి, 26 nov 15

గజల్.......

ఓ కాంతి రేఖగా మెరవనీ నీ ఎదుట ||
ఓ వెలుగు పూవుగా మురవనీ నీ ఎదుట ||

నింగంత పరచున్న మేఘాల మాలగా
ఓ సలిల ధారగా కురవనీ నీ ఎదుట ||

నులివెచ్చ వేకువలొ నీ ప్రేమ పిలుపుతొ
ఓ నవ్వు తెమ్మెరగ మిగలనీ నీ ఎదుట ||

రేయంత మురిపించె స్వప్నాల సందడి
ఓ కలల రాణిగా వుండనీ నీ ఎదుట ||

వసంతం నింపిన చిగురాకు తరువుల్లొ
ఓ రాగ కోయిలగ పాడనీ నీ ఎదుట ||

మౌనంగ మెరిసేటి నీ వలపు తలపులో
ఓ మదుర ‘వాణి’గ పలుకనీ నీ ఎదుట ||

...............వాణి ,21 nov 15

||గజల్ కాన్వాస్ ...32||

మనసుచూపు చిత్రాన్నీ చిత్రంగా గీస్తున్నా ||
మౌనమొలుకు భావాలను భాష్యంగా వ్రాస్తున్నా ||

ఊహలలొ ప్రపంచాన్ని వీక్షిస్తూ వున్నాలె
సడిచేయని సందడులే మౌనంగా చూస్తున్నా ||

కనులుతెరచి కలలెన్నో నిన్నుచూడ మనసౌతు
ఎదచాటులో అనుభూతులు కవనంగా రాస్తున్నా ||

సమీరమే ముంగురులను సవరించుకు వెళుతోంది
నీ ధ్యాసనే హృదయానికి సాంతంగా ఇస్తున్నా ||

నీ మమతల కలతలతో నిదురనోడు తున్నాను
కదలాడే కుంచెనెంతో చోద్యంగా చూస్తున్నా ||

శకుంతలా దుష్యంతుల ప్రణయసుధా భావాలె
మౌన‘వాణి' వాక్యలతో కావ్యంగా రాస్తున్నా ||

..వాణి, 10 nov 15

గజల్....

ప్రేమపంచు మనసులకై విశ్వమంత వెతకాలి ||
నిస్వార్ధపు మమతకొరకు గతమంతా వెతకాలి ||

నవ్వులన్ని నటనమౌతు మొహమాట రూపమౌతు
స్వచ్చమైన పలుకులకై లోకమంత వెతకాలి ||

మాసిపోయి మానవతే కనిపించక కరువౌతు
త్యాగమున్నజనాలకై జగమంతా వెతకాలి ||

ప్రసవించగ చెట్టునొకటి పుడమికెంత భారమో
విత్తునాటు మట్టికొరకు నేలంతా వెతకాలి ||

లెక్కలలో మిక్కిలైన జనులున్నా దేశంలో
మాటాడే చిరునవ్వుకై మనమంతా వెతకాలి ||

మారలేదు మగువబతుకు నిలదీస్తే నిందవేస్తు
గెలుపు'వాణి' గాధలెన్నొ చరిత్రంతా వెతకాలి ||

గజల్ కాన్వాస్ ...౩౩

నీ నవ్వుల మెరుపులలో నాకు చోటు ఇస్తావా ||
మధురూహల మౌనంలో నాకు చోటు ఇస్తావా ||

జలధారను పరికిణీగ చుట్టుకుంది నీవేనా?
కొత్తందపు రంగులలో నాకు చోటు ఇస్తావా ||

నీ పాదపు కదలికలలొ ఉల్లాసం చూస్తున్నా
ఆనందపు క్షణాలలొ నాకు చోటు ఇస్తావా ||

నీ చూపుల తాకిడిలో మనసుజార్చు కుంటున్నా
నీ లాస్యపు భంగిమలలొ నాకు చోటు ఇస్తావా ||

నీ వలువలు విసురుతున్న జడిలో నే మురుస్తున్న
తడుస్తున్న నీ తలపులొ నాకు చోటు ఇస్తావా ||

కదలాడే పెదవులలో ‘వాణి’ ఏదొ తెలుపవా?
ఆ పలుకుల పదనిధిలో నాకు చోటు ఇస్తావా ||

………..వాణి , 17 nov 15

|| మనసుకు భ్రమ నువ్వేనని...||

ఎవరినీడ ఎదురయినా మనసుకు భ్రమ నువ్వేనని ||
ఏ కదలిక కనపడినా మనసుకు భ్రమ నువ్వేనని ||

చింత ఎంతొ మదినిండా నీ జాడే తెలియకుండ
ఏ గొంతుక వినపడినా మనసుకు భ్రమ నువ్వేనని ||

చెప్పలేను నీ దూరం కష్టమెంతొ నా మనసుకు
ఏది తగిలి తడబడినా మనసుకు భ్రమ నువ్వేనని ||

తుడవలేక పోతున్నా ఒలుకుతున్న కన్నీటిని
ఏ రూపం తచ్చాడినా మనసుకు భ్రమ నువ్వేనని ||

కలనైనా నిజమునైన నన్నొదిలి పోవనుకుని
ఏ గాలీ స్పర్శించిన మనసుకు భ్రమ నువ్వేనని ||

మౌన’వాణి’ వేదనగా రాసుకుంటు భావాలే
ఏ ఉలుకుతొ తడబడినా మనసుకు భ్రమ నువ్వేనని ||

………..వాణి , 17 nov 15

గజల్..........

మమతలద్ది మానసాన్ని ఊరడించి పోరాదా ||
మదివాకిట ప్రేమసిరులు కురిపించీ పోరాదా ||

కంటిమెరుపు కానుకలే నా ముంగిట నిలిపుంచి
గతాలలో కాలాలను నిలువరించి పోరాదా ||

చూపులలో చిరునవ్వులు చిందలేక పోతున్నా
కేరింతల వరాలనే కుమ్మరించి పోరాదా ||

ఎదలోతున వేదనలే తమసులలో తడబాటులె
కల్లలైన కలలతోటి పలుకరించి పోరాదా ||

జ్ఞాపకాల గాయాలే సమ్మెటపొట్లౌతున్నవి
మరిపుఇచ్చు కానుకలతొ అనునయించి పోరాదా ||

మౌన’వాణి’ మదిలోతున విప్పలేని వేదనేదొ
ఆశ్చర్యపు ఆనందము వెల్లడించి పోరాదా ||

గజల్ ......

తన్మయమై పోతున్నది తలపులలో తడుస్తూ ||
అలలెన్నో హత్తుకుంది తీరాలలొ తడుస్తూ ||

కలహంసల నడకలలో ఇంపైనా అందాలే
ముసి ముసిగా ప్రియరాగం వలపులలో తడుస్తూ ||

సుగంధాల సమీరమే నన్నుతాకి వెళుతున్నది
పరిమళాల పులకింతలె ఉహలలో తడుస్తూ ||

మధురమనే నీ వాణీ మౌనంలో వింటున్నా
మదినేన్నో మెరుపుకలలు రాగాలలో తడుస్తూ ||

హరివిల్లులొ రంగులన్ని కలబోసిన చీర చుట్టి
వయారాల ప్రియభామిని జల్లులలో తడుస్తూ ||

నీ అందం అద్భుతమే కొత్తదనం వర్ణాలతొ
వస్త్రమేమో తనువుతాకి రంగులలో తడుస్తూ ||

గజల్ ...............

ఎదచాటున చింతఏదొ చెప్పలేని జీవితం ||
మౌనంలో అలజడులను విప్పలేని జీవితం ||

స్వప్నంలో నవ్వులన్ని కవ్వింతగ మిగులుతూ
వేకువలో హసితాలను గెలవలేని జీవితం ||

ఊహలలో మెదులుతున్న మెరుస్తున్న నీ రూపం
సడలిపోయి కలలన్నీ అందలేని జీవితం ||

శ్వేతమబ్బు తరగలలో విహరిస్తూ వుంటావు
కనులముందు కదలాడిన చేరలేని జీవితం ||

నీ ఆలాపన 'వాణి'తొ తన్మయమై పోతున్నా
ఆశగానె మిగిలిపోయే పలుకులేని జీవితం ||

…...................వాణి 6 sep 15

గజల్ ...............

ఎదచాటున చింతఏదొ చెప్పలేని జీవితం ||
మౌనంలో అలజడులను విప్పలేని జీవితం ||

స్వప్నంలో నవ్వులన్ని కవ్వింతగ మిగులుతూ
వేకువలో హసితాలను గెలవలేని జీవితం ||

ఊహలలో మెదులుతున్న మెరుస్తున్న నీ రూపం
సడలిపోయి కలలన్నీ అందలేని జీవితం ||

శ్వేతమబ్బు తరగలలో విహరిస్తూ వుంటావు
కనులముందు కదలాడిన చేరలేని జీవితం ||

నీ ఆలాపన 'వాణి'తొ తన్మయమై పోతున్నా
ఆశగానె మిగిలిపోయే పలుకులేని జీవితం ||

…...................వాణి 6 sep 15

గజల్ ............

వేగిరమే రావయ్యా చిట్లి పోయె ధరణిచూడు ||
వరుణుదేవ పలుకరించు పగిలిపోయె పుడమిచూడు ||

కలుపుమొక్క కరువాయెను జంతుజాతి ఎండుతూ
తడిస్పర్శకు తొందరాయె చీలిపోయె నేలచూడు ||

కనులు తెరచి నేలతల్లి చూస్తున్నది నింగివైపు
చితికిపోయి బతుకులెన్నొ వలసపోయె దారిచూడు ||

మొలకెత్తగ విత్తులనే అవనికెంత ఆత్రమో
ఆలస్యము భారమౌతు తరలిపోయె రైతుచూడు ||

పాలుకారు పసి పిల్లలు బతుకువేట మొదలెట్టిరి
ఏలికలకు కానరాని తరలిపోయె జీవిచూడు ||

...…..వాణి, 14 oct 15

గజల్ ...........

చేజారిన కాలంలో కలతలెన్నొ దాగున్నవి ||
చెంపలపై చారికలలొ బాధలెన్నొ దాగున్నవి ||

స్వర్గ మైన బాల్యాలే జ్ఞాపకాల మాధుర్యం
అనుబంధపు ఆనవాళ్ళ గుర్తులెన్నొ దాగున్నవి ||

స్పర్శించే ప్రేమలకై తపియించే తనువులెన్నొ
ఎదలోతుల వేదనలో వ్యధలెన్నో దాగున్నవి ||

మదిలోతుల చిలుకుతున్న ఒలుకుతున్న గేయాలే
ఆంతర్యపు అక్షరాల్లొ విలువలెన్నొ దాగున్నవి ||

తీగతెగిన మదివీణియ పలుకుతున్న స్వరాలే
గాయపడ్డ గుండెలోతు స్పర్శలెన్నొ దాగున్నవి ||

చెమ్మగిల్లి కనులలోన దృష్టి అంద కున్నదీ
తడి చూపుల తడబాటులో చింతలెన్నొ దాగున్నవి ||

మౌన’వాణి’ ప్రకటించే స్పర్శించే భావాలు
తరలిపోయి క్షణాలలొ తపనలెన్నొ దాగున్నవి ||

.................వాణి,15 oct 15

గజల్.................

కనులనిండి సంతోషం నవ్వుతోంది కిలకిలమని ||
జాబిల్లీ నీజతగా వెలుగుతోంది మిలమిలమని ||

వీడిపోని ఆనందపు పరిమళమే నువ్వు కదా
నీ పలుకే పరవశించి ఒలుకుతోంది గలగలమని ||

చీకటిలో మిణుకువలే నీ వదనం మెరిపించెను
చందమామ నీతోడుగ నడుస్తోంది చకచకమని ||

మెరుపల్లే తళుకుమనే కాంతేదో ప్రసరించెను
నా మదిలో ఉల్లాసం పొంగుతోంది బిరబిర మని ||

మధుర’వాణి’ మదిలోతున మౌనాలే వీగిపొయె
నీ మాటల పరవశంతో నవ్వుతోంది పకపకమని ||

........వాణి , 19 oct 15

||: గజల్ కాన్వాస్ – 29:||:

కూలిపోయిన ప్రేమపందిరి నిలిచిపోతిమి పుడమిఒడిని ||
జన్మజగతిని వీడిపొతూ ఓడిపోతిమి వసుధఒడిని ||

జన్మజన్మల విడువలేని బంధమౌతూ మిగిలిపోయి
చావులోనూ మమైకమౌతూ కలసిపోతిమి అవనిఒడిని ||

చెట్టునీడన చెప్పుకున్నా ఊసులెన్నో బ్రతుకులో
సాక్ష్యమౌతూ ఎండుటాకుగ రాలిపోతిమి నేలఒడిని ||

పచ్చదనమే ఋజువుఅవుతూ ప్రేమగెలుపుకు నిదర్శనంగా
మృత్యుకౌగిట చేరిఒకటిగ మిగిలిపోతిమి ధాత్రిఒడిని ||

ధరణిగర్భం చేరదీసెను మమతనిండిన మనసులోకటిగ
ఆత్మలోకటిగ మౌన'వాణి'గ కలసిపోతిమి తరువుఒడిని ||

......వాణి , 20 oct 15

గజల్.....

గుర్తులలో గాయాలను తడుముకుంటు ఉన్నాను ||
జ్ఞాపకాల గాధలన్ని రాసుకుంటు ఉన్నాను ||

కాగితంపై అక్షరాలు మదిబాధలు పలుకరిస్తే
తిరిగిరాని కాలాలను తలచుకుంటు ఉన్నాను ||

గెలవలేని ఓటమినై వెంటపడగ నిరాశలు
రచియించిన కవనాలను చదువుకుంటు ఉన్నాను ||

మాసిపోక అలజడులే మౌనంగా మిగిలాను
బంధకాల బరువులను మోసుకుంటు ఉన్నాను ||

గతాలలో కలతలెన్నొ మనసునొప్పి పడుతుంటే
చెరపలేని ఎదలోతును నులుముకుంటు ఉన్నాను ||

మౌనాలను ఏలుకుంటు నా’వాణి’ని విప్పలేక
నిట్టూర్పుల తడులనెపుడు తుడుచుకుంటు ఉన్నాను ||

......వాణి , 21 oct 15

!! గజల్ !!

వేకువ పొద్దున విరిసే పువ్వుల అందము చూడూ ||
సుమములు ఒలికే మధురపు పరిమళ గంధము చూడూ ||

నిద్దుర చెలిమితొ మనసున మెరిసే కలలే ఎన్నో
స్వప్నపు గెలుపుతొ మోమున చిందే హాసము చూడూ ||

కులికే కన్నుల వదనం ఒలికే హావం భావం
పాటకు ధీటుగ పాదం పలికే లాస్యము చూడూ ||

తీరం తాకే కెరటం చెప్పే కధలే ఎన్నో
తరగల తపనతొ మనసున మెదిలే భావము చూడూ ||

ఋతువులు అన్నీ గ్రీష్మo అవుతూ మండే ఎండలు
మారని మనిషికి ప్రకృతి చెప్పే పాఠము చూడూ ||

మదిలో భావం అక్షర నిధులుగ 'వాణీ' మౌనం
పత్రము నిండిన జ్ఞాపక గాయపు కవనము చూడూ||

వాణి , 23 oct 15

గజల్..........

గెలుపుదిశలు వెతుక్కుంటు పరుగునై పోతాను ||
ఓడిపోక నేర్పుతోన వెలుగునై పోతాను ||

ఆశవిత్తు నాటుకుంటు సాధించె స్వప్నాన్నై
విజయాలను స్వాగతిస్తు మెరుపునై పోతాను ||

వెటకారపు మాటలన్నితుంచేస్తు సాగిపోతు
కలలన్నీ నెరవేర్చే గెలుపునై పోతాను ||

అలుపెరుగని అక్షరాల నిధులెన్నొ నింపుకుంటు
మౌన’వాణి’ భావాలకు తోడునై పోతాను ||

జ్ఞాపకంగ మిగిలిపోయె చిరునవ్వె జీవితాన
కాంతినింపు వేకువలో చూపునై పోతాను ||

...వాణి, 25 oct 15

:||: గజల్......:||:

ఎదురుచూపు నీ కోసం ఎదనిండీ ప్రేమలతో ||
చిరునవ్వులు నింపుకుని మదినిండీ ఆశలతో||

పచ్చచీర మెరుపులన్నినీవరముకె చూస్తుంటే
ఊహాలలొ ఆకాంక్షలు హృదినిండి భారాలతొ ||

పెదవంచున పలుకులన్ని వెలికిరాక వేచుండెను
ఆలస్యపు నిట్టూర్పులు గుండెనిండి నిరాశలతొ ||

చంద్రవంక నుదుటిపైన తిలకంగా దిద్దుకునీ
సౌందర్యపు వన్నెలద్ది మనసునిండి కోరిలతొ ||

సంధ్యపొద్దు అరుణిమలో నీ రాకడ వాంఛలెన్నొ
మనసులోన దాగుండిన మమతనిండి మధురిమలతొ ||

..........వాణి, 26 oct 15

గజల్............

చింతలనే చిరునవ్వుగ మార్చలేక పోతున్నా ||
తిమిరాలలో వెలుగుచుక్క అద్దలేక పోతున్నా ||

జ్ఞాపకాలు చీకట్లుగ గుండెలోన దాగుండి
భారమౌతు గురుతులన్ని మోయలేక పోతున్నా ||

నిశలలెన్నో జీవితాన నిధులుగానె మిగిలాయి
వేకువలో బతుకువెలుగు వెతకలేక పోతున్నా||

చూపుఎంత పారాడిన మిణుకువైన దొరకలేదు
నిట్టూర్పుల నవ్వులను దాచలేక పోతున్నా ||

చెంతచేరి వరములెన్నొ చేయివదలి వెళుతుంటే
అదృష్టపు అందాలను అందలేక పోతున్నా ||

మౌన'వాణి' మదివాకిట రాలుతున్న చినుకులెన్నొ
హృదయంలొ కలవరమును దాచలేక పోతున్నా ||

.........వాణి, 28 oct 15

గజల్ ....

తలవంచిన మౌనంలో తలపులెన్నొఉన్నవిలే ||
నేలతాకు చూపులలో సిగ్గులెన్నొ ఉన్నవిలే ||

పమిటచాటు నీ వదనం మరులుఒలుకు తున్నదీ
నిశ్శబ్దపు అందములో బాసలెన్నొ ఉన్నవిలే ||

మదినిండిన ఊహలన్ని కనులుచెప్పుతున్నాయి
చూపులొలుకు భావాలలొ తపనలెన్నో ఉన్నవిలే||

నీ నవ్వుల దీపాలలొ కాంతులన్ని నాకోసం
చెప్పలేని సౌందర్యపు తళుకులెన్నొ ఉన్నవిలే ||

మౌనవాణి పెదవిముడిలొ విప్పలేని పలుకులెన్నో
నా రాకల తహతహలో కలలెన్నో ఉన్నవిలే ||

....వాణి ,29 oct 15

గజల్...........

చీకటైనా వెలుగు ఐనా రోజులోనే ఉంటవీ ||
గెలుపు ఐనా ఓటమైనా నేర్పులోనే ఉంటవీ ||

భూమిపైనీ నీటినేగా మబ్బురాల్చే చినుకులూ
ఎక్కడెక్కడి జలములన్నీ నేలలోనే ఉంటవీ ||

అలసటన్నది మరచిపోదుము నిదురజగతిని ఏలుతూ
సుఖముఐనా స్వప్నమైనా నిదురలోనే ఉంటవీ ||

గాయమైనా గతముఐనా మిగిలిపోవును గుర్తుగా
అనుభూతులూ అనుభవాలూ బతుకులోనే ఉంటవీ ||

జన్మఎత్తిన ప్రాణికెల్లా ఎదురౌనులె కలతలెన్నొ
సౌఖ్యమైనా దు:ఖమైనా ఆత్మలోనే ఉంటవీ ||

నవ్వులోనూ బాధలోనూ నయనమొలుకును తడులనే
మనసుస్పందన ఋజువులన్నీ కనులులోనే ఉంటవీ ||

మౌన'వాణీ' మనసుగుచ్చుతు చెరిగిపోని చేదుగుర్తు
గాధలన్నీ గేయమౌతూ మనసులోనే ఉంటవీ ||

...వాణి , 29 oct 15

గజల్ కాన్వాస్ ...31

కనులలోన కాంతులేవొ నన్నుచూసి పిలిచాయి ||
సిగలోనీ విరులేగా నన్నుచూసి నవ్వాయి

నీ అందపు మెరుపులన్ని ముక్కెరతో నింపుకుని
కదలాడే ముంగురులే నన్నుచూసి ఎగిరాయి ||

నీ చూపుల నర్తనాలు ఒలుకుతున్న భావాలు
నీ రెప్పల రెపరెపలే నన్నుచూసి కులికాయి ||

కనుబొమ్మల నడుమనేమో చంద్రవంక దిద్దుకుని
క్రీగంటీ చూపులేవొ నన్నుచూసి మెరిశాయి ||

పడచుదనం పలుకరించి జావళీలు పాడింది
ఆలపించు ఆశలేవో నన్నుచూసి అడిగాయి ||

మౌనమైన మదిలోతుల నీ ‘వాణీ’ తెలియలేదు
మాటాడని పెదవులేగ నన్నుచూసి వణికాయి ||

........వాణి, 2 nov 15

|| గజల్ ||

చిరునవ్వుల దీపాలతొ మోముఎంత బాగున్నది ||
కులుకుతున్న ఓరచూపు అందమెంత బాగున్నది ||

నీ కనులలొ కలువరించు దాహాలే నింపుకుని
ఆరిపోని రెప్పచాటు ఆశఎంత బాగున్నది ||

ఎదురుచూచు బిడియాలలొ సొగసులెన్నొ చుస్తున్నా
నీ బుగ్గల సోట్టలలో సిగ్గుఎంత బాగున్నది ||

వేచిచూచు ఆలస్యపు అలసటేది కనపడక
చెరిగిపోని సౌందర్యపు ఓర్పుఎంత బాగున్నది ||

నిట్టూర్చక విరులుకూడ వడలిపోక వేచుండి
పరిమళించు సుమాలలో సోకుఎంత బాగున్నది ||

మదురమైన మదిభావన నీ ‘వాణీ. మనోహరం
ప్రేమనిండి హృదయంలొ పలుకుఎంత బాగున్నది ||

||గజల్ కాన్వాస్ ...32||

మనసుచూపు చిత్రాన్నీ చిత్రంగా గీస్తున్నా ||
మౌనమొలుకు భావాలను భాష్యంగా వ్రాస్తున్నా ||

ఊహలలొ ప్రపంచాన్ని వీక్షిస్తూ వున్నాలె
సడిచేయని సందడులే మౌనంగా చూస్తున్నా ||

కనులుతెరచి కలలెన్నో నిన్నుచూడ మనసౌతు
ఎదచాటులో అనుభూతులు కవనంగా రాస్తున్నా ||

సమీరమే ముంగురులను సవరించుకు వెళుతోంది
నీ ధ్యాసనే హృదయానికి సాంతంగా ఇస్తున్నా ||

నీ మమతల కలతలతో నిదురనోడు తున్నాను
కదలాడే కుంచెనెంతో చోద్యంగా చూస్తున్నా ||

శకుంతలా దుష్యంతుల ప్రణయసుధా భావాలె
మౌన‘వాణి' వాక్యలతో కావ్యంగా రాస్తున్నా ||

..వాణి, 10 nov 15

గజల్......

భూమిఎండి దాహంతో మింటినీరు అడుగుతోంది ||
గుండెలోన గాయమొకటి కంటినీరు అడుగుతోంది ||

విత్తులనే మొలకెత్తగ తడిమట్టికి వేచిచూస్తు
పొడి బారిన మట్టికణం మబ్బు నీరు అడుగుతోంది ||

పరిమళించ నేలకూడ వర్షాన్నే కోరుకుంటు
జల్లురాల్చ మేఘమొకటి కడలినీరు అడుగుతోంది ||

శిశిరంలో చెట్లు అన్ని ఆకురాల్చి మోడౌతూ
తరువేమో వరుణుడినే వాన నీరు అడుగుతోంది ||

తలపులలో తడిఏదో మనసులోతు స్పర్శిస్తూ
హసితాలను స్వాగతిస్తు కనులనీరు అడుగుతోంది ||

.........వాణి/ 13/11/15

గజల్....

ప్రేమపంచు మనసులకై విశ్వమంత వెతకాలి ||
నిస్వార్ధపు మమతకొరకు గతమంతా వెతకాలి ||

నవ్వులన్ని నటనమౌతు మొహమాట రూపమౌతు
స్వచ్చమైన పలుకులకై లోకమంత వెతకాలి ||

మాసిపోయి మానవతే కనిపించక కరువౌతు
త్యాగమున్నజనాలకై జగమంతా వెతకాలి ||

ప్రసవించగ చెట్టునొకటి పుడమికెంత భారమో
విత్తునాటు మట్టికొరకు నేలంతా వెతకాలి ||

లెక్కలలో మిక్కిలిన జనులున్నా దేశంలో
మాటాడే చిరునవ్వుకై మనమంతా వెతకాలి ||

మారలేదు మగువబతుకు నిలదీస్తే నిందవేస్తు
గెలుపు'వాణి' గాధలెన్నొ చరిత్రంతా వెతకాలి ||

గజల్ ...............

ఎదచాటున చింతఏదొ చెప్పలేని జీవితం ||
మౌనంలో అలజడులను విప్పలేని జీవితం ||

స్వప్నంలో నవ్వులన్ని కవ్వింతగ మిగులుతూ
వేకువలో హసితాలను గెలవలేని జీవితం ||

ఊహలలో మెదులుతున్న మెరుస్తున్న నీ రూపం
సడలిపోయి కలలన్నీ అందలేని జీవితం ||

శ్వేతమబ్బు తరగలలో విహరిస్తూ వుంటావు
కనులముందు కదలాడిన చేరలేని జీవితం ||

నీ ఆలాపన 'వాణి'తొ తన్మయమై పోతున్నా
ఆశగానె మిగిలిపోయే పలుకులేని జీవితం ||

…...................వాణి 6 sep 15

గజల్ ............

వేగిరమే రావయ్యా చిట్లి పోయె ధరణిచూడు ||
వరుణుదేవ పలుకరించు పగిలిపోయె పుడమిచూడు ||

కలుపుమొక్క కరువాయెను జంతుజాతి ఎండుతూ
తడిస్పర్శకు తొందరాయె చీలిపోయె నేలచూడు ||

కనులు తెరచి నేలతల్లి చూస్తున్నది నింగివైపు
చితికిపోయి బతుకులెన్నొ వలసపోయె దారిచూడు ||

మొలకెత్తగ విత్తులనే అవనికెంత ఆత్రమో
ఆలస్యము భారమౌతు తరలిపోయె రైతుచూడు ||

పాలుకారు పసి పిల్లలు బతుకువేట మొదలెట్టిరి
ఏలికలకు కానరాని తరలిపోయె జీవిచూడు ||

...…..వాణి, 14 oct 15

గజల్ ...........

చేజారిన కాలంలో కలతలెన్నొ దాగున్నవి ||
చెంపలపై చారికలలొ బాధలెన్నొ దాగున్నవి ||

స్వర్గ మైన బాల్యాలే జ్ఞాపకాల మాధుర్యం
అనుబంధపు ఆనవాళ్ళ గుర్తులెన్నొ దాగున్నవి ||

స్పర్శించే ప్రేమలకై తపియించే తనువులెన్నొ
ఎదలోతుల వేదనలో వ్యధలెన్నో దాగున్నవి ||

మదిలోతుల చిలుకుతున్న ఒలుకుతున్న గేయాలే
ఆంతర్యపు అక్షరాల్లొ విలువలెన్నొ దాగున్నవి ||

తీగతెగిన మదివీణియ పలుకుతున్న స్వరాలే
గాయపడ్డ గుండెలోతు స్పర్శలెన్నొ దాగున్నవి ||

చెమ్మగిల్లి కనులలోన దృష్టి అంద కున్నదీ
తడి చూపుల తడబాటులో చింతలెన్నొ దాగున్నవి ||

మౌన’వాణి’ ప్రకటించే స్పర్శించే భావాలు
తరలిపోయి క్షణాలలొ తపనలెన్నొ దాగున్నవి ||

.................వాణి,15 oct 15

గజల్ .............

వేచి వుండు చూపులన్ని శున్యానికి సొంతమే ॥
నింగిజార్చు చినుకులన్ని భూమాతకి సొంతమే ॥

పగిలిపోయి మట్టిలోన పరిమళమే లేదులే
వానకురిసి సువాసనలు ఎల్లరికీ సొంతమే ॥

ఎదురుచూచు కన్నులలో కురుస్తున్న నీళ్ళెన్నో
వానలేని వ్యతలన్ని కర్షకునికి సొంతమే ॥

విత్తులన్ని సమకూర్చి ఆశలెన్నో నాటాలని
మొలకెత్తితె పాడిపంట రైతన్నకి సొంతమే ॥

చేనులోన మట్టికణం నోరుతెరిచి వేచివుండె
తడిచూడని నేలస్పర్శ పాలేరుకి సొంతమే ॥

జల్లులలో తడవాలని నింగివైపు చూపులన్ని
తరువులన్ని తపియించే తాపానికి సొంతమే ॥

వాణి, 10 సెప్టెంబర్ 15

గజల్.............

వరుణుడిలా దయచేసే వరం ఒకటి కావాలీ ||
పరిమళించు మట్టి తడుపు జల్లు ఒకటి కావాలీ ||

రైతుగుండె వేసారెను కన్నీటిని మోయలేక
ప్రాణమిచ్చి నిలువరించ వానఒకటి కావాలి ||

వేలాడెను తరువులన్ని వేరుతడిసె తడిలేక
చిరుగాలితొ పలుకరించ సోన ఒకటి కావాలీ ||

పగిలిపోయె నేలంతా కరువుకు రుజువౌతూ
మేఘమైన జాలిచూపి వర్షమొకటి కావాలి ||

కాలమంత ఒకటౌతూ నిత్య గ్రీష్మమౌతుంటె
తడితనముతొ మేల్కొల్పే ఉదయమొకటి కావాలీ ||

కర్షకునికి సాగుబడే వ్యదాభరితమైపోయె
పొలంతడిసె దారి చూపు మార్గమొకటి కావాలీ ||

..................వాణి కొరటమద్ది,11సెప్టెంబర్ 15

గజల్ ......................

నీ కంటి చూపులో ఆశేదొ ఉంది
ఆ కనుల వల్లించు దిగులేదొ ఉంది ||

నీ మదిన దాగున్న భావాలు ఎన్నో
ఓ చెలిమి కాంక్షిoచు పిలుపేదొ ఉంది ||

మనసంత నిండున్న నీ ప్రేమ దీపం
బతుకంత గెలిచేటి బలమేదొ ఉంది ||

సాక్ష్యoగ మిగిలున్న మనస్నేహ లేఖలు
చిరునవ్వు మెరుపుల్ల రాతేదో ఉంది ||

అలనాటి నీ నవ్వు చిగురించ కుంది
వేలాడె కొమ్మకు ఆశేదో ఉంది

ఏమాయ ఏమోలె నీ కలత తెలియదు
తడిచూపు చెప్పేటి తపనేదొ ఉంది ||

మౌనించి నీ 'వాణి' పెదవుల్ని విప్పక ||
కావ్యoలొ నిండిన గురుతేదొ ఉంది ||

....... వాణి, 15 sep 15

ఓటములని అనుభవమని గుర్తించుట తెలియాలి
సాధించిన విజయాలను నిలుపుంచుట తెలియాలి

అనుబంధపు ఆనవాళ్ళు కరిగిపోతూ మంచువలె
తుడిచేస్తూ కలతలన్ని ప్రేమించుట తెలియాలి

గతాలలో గమనాలలొ బాధలెన్ని నొప్పించిన
ఊరడించు మనసువుండి ఓదార్చుట తెలియాలి

మానలేని మదిగాయం జీవితగతి మార్సునేమో
అనుభవమే తోడనుకొని మరిపించుట తెలియాలి

బందాలెన్నున్నగాని స్నేహబంధం గోప్పదోయి
సహకరించి ఇడుములలొ నడిపించుట తెలియాలి

తప్పనపుడు రేయంతా రెప్పమూయని చింతలే
వేకువలో బాధ్యతలను భరియించుట తెలియాలి

........వాణి., 24 sepసెప్టెంబర్ 15

గజల్ ..........

మౌనాలను పలికించే మాటిమ్మని కోరుతోంది
చెక్కిలిపై చిరునవ్వుల విరులిమ్మని కోరుతోంది ||

అలవాటుగ మారిపోయి నీ ఊసుల కలవరింత
మెలుకువలో నీ పెదవిని పలుకిమ్మని కోరుతోంది ||

సంద్రంలా మదినిండుగ ఆటుపోటు అలజడులే
హాయినిచ్చు బాందవ్యపు తోడిమ్మని కోరుతోంది ||

వ్యవసాయికి చినుకులకై తడికన్నుల ఆరాటం
ధరణి మాత వరుణిడినే జల్లిమ్మని కోరుతోంది ||

చిరునవ్వుల తీరాలూ దూరంగా పోతుంటే
ఆ దేవుని హసితాలను వరమిమ్మని కోరుతోంది ||

త్యాగమంత స్త్రీదైనా అణచివేత తప్పలేదు
శీలాన్నీ దోచేయని గెలుపిమ్మని కోరుతోంది ||

.........వాణి, 3 sep 15