గజల్ మహల్ ....

నీటిలోన రాతలేల చెప్పవేమి నెచ్చెలి ॥
నీ ముసిముసి నవ్వులలో మర్మమేమి నెచ్చెలి ॥

నీ బుగ్గన విరబూసిన సిగ్గులెన్నొ చూస్తున్న
తొలిపరిచయ స్పందనాల వివరమేమి నెచ్చెలి ॥

కలలరాజు చూపులతో దోచుకున్న దేమిటో
కంటి ఇంటి ముచ్చటలో కధనమేమి నెచ్చెలి ॥

నీ అందం నీ చరితము మనసుదోచు కున్నాయ
మౌనంతో నీ వాణీ విప్పవేమి నెచ్చెలి ॥

నిన్నటిలో ఉత్సాహం నీ నడతలు చెపుతూ
ఏడడుగులు నడచురోజు ఎప్పుడేమి నెచ్చెలి ॥

నీ పెదవుల చిరునగవులొ పలుకులెన్ని దాచావొ
కేరింతల మౌక్తికాలు విసరవేమి నెచ్చెలి ॥

........... వాణి, 28 feb16