గజల్ కాన్వాస్ .......43
నా గుండె వేదనగ తలవంచు కుంటోంది ||
నీ ఒడిలొ దు:ఖాన్ని సవరించు కుంటోంది ||
నీ ఒడిలొ దు:ఖాన్ని సవరించు కుంటోంది ||
గడిచింది కాలమే వెలలేని గుర్తుగా
బాదించు స్మృతులను తొలగించు కుంటోంది ||
బాదించు స్మృతులను తొలగించు కుంటోంది ||
నే కన్న కలలన్ని కన్నీట మునిగాయి
కలహాల కధనాలు యోచించు కుంటోంది ||
కలహాల కధనాలు యోచించు కుంటోంది ||
చిరకాల విరహాన్ని చీకటిలొ మోశాను
నీ జతలొ భారాన్ని మది దించు కుంటోంది ||
నీ జతలొ భారాన్ని మది దించు కుంటోంది ||
నీ చేతి లాలింపు చిరునవ్వు గెలిచింది
గాయాలు నీ స్పర్శ అలరించు కుంటోంది ||
గాయాలు నీ స్పర్శ అలరించు కుంటోంది ||
నీ శ్వాస శబ్ధాలు భారంగ వినిపిస్తు
నీ చూపు ననుతాకి చెమరించు కుంటోంది ||
నీ చూపు ననుతాకి చెమరించు కుంటోంది ||
మన్నింపు మౌనంలొ నే గెలుచు కున్నాను
నీ మనసు నా వాణి వినిపించు కుంటోంది ||
నీ మనసు నా వాణి వినిపించు కుంటోంది ||
.......వాణి ,1 Feb 16
No comments:
Post a Comment