గజల్ మహల్ ...

మదిదోచిన మరందాల పువ్వులెన్నొ ఆనవ్వులొ ||
అందమైన అపురూపపు కాంతులెన్నొ ఆనవ్వులొ ||

మధురభావ సంతకాలు మల్లెపూల దరహాసం
నాట్యమాడు ముంగురులతొ సోగసులెన్నొ ఆనవ్వులొ ||

వికసించే సౌందర్యం ప్రకృతినే తలదన్నెను
మాటాడని అతిశయాల కధలెన్నో ఆనవ్వులొ ||

నీలికురుల విన్యాసం నిలిచిపోయె చూపులన్ని
కనురెప్పలు కదలాడని ఆశలెన్నొ ఆనవ్వులొ ||

ప్రకృతితో మాటాడుతు తియ్యనైన పులకింతలు
ఊహలలో విహరిస్తూ సిగ్గులెన్నొ ఆనవ్వులొ ||

మురుస్తున్న మౌనంలో నడయాడే కలలెన్నో
సూర్యకాంతి స్పర్సలతో మెరుపులెన్నొ ఆనవ్వులొ ||

………..వాణి , 6 feb 16