స్త్రీ మూర్తిని సాహసిగా నిలుపుతున్న వారెవరో ॥
పువ్వువంటె నువ్వేనని పొగడుతున్న వారెవరో ॥

అతివంటే సహనమనీ అవనివంటి ఓర్పుఅనీ
నిగ్రహాన్ని పరీక్షించి నెగ్గుతున్న వారెవరో ॥

సాటిలేని మగువఘనత రాతలకే పరిమితమా
తొలగిపోని వివక్షలతొ తొక్కుతున్న వారెవరో ॥

అమ్మఅంటె కమ్మననీ ప్రతిజీవికి తెలుసుకదా
ఆడదంటు అణచివేస్తు నలుపుతున్న వారెవరో ॥

కధనంలో ధీరత్వం వదనంలో సౌమ్యమై
తనదైన ఘనకీర్తి మెచ్చుతున్న వారెవరో ॥

ఇంటిలోన మింటిలోన శ్రమకే స్రవంతికద
విలువివ్వక నిందలెన్నొ మోపుతున్న వారెవరో ॥

అందమైన అణకువైన నీకేలే సొంతమంటు
బేలవంటు భారాలను రుద్దుతున్న వారెవరో ॥

ఏడాదికి ఒక్కరోజు ఎందుకులే ప్రత్యేకం
అంకురాల ఆత్మఘోష ఆపుతున్న వారెవరో ॥

.......... వాణి , 4 march 16