గజల్.....

మనసుతోన మనసుకలిపి చూస్తున్నది రాతిరి ||
నీడలలొ కలగలుపుతు వెళుతున్నది రాతిరి ||

తడిఇంకని తలపేదో తల్లడిల్లు మనసుల్లో
వేకువలో వెలుగులకై వేచున్నది రాతిరి ||

భావాలను రంగరించి అక్షరాలు పేర్చుకుంటు
చెంపలపై కలమునాన్చి రాస్తున్నది రాతిరి ||

నిశరాల్చిన చినుకులేవొ నిదురపోని కన్నులలో
జ్ఞాపకాల చింతలనే మోస్తున్నది రాతిరి ||

గుర్తెరిగిన గాయమేదొ గుండెల్లో గుచ్చుకుంటు
స్వప్నాలను వెలివేస్తూ మెల్కొన్నది రాతిరి ||

మౌనవాణి పిలిచినట్లు నిశబ్దాన్ని హత్తుకుంటు
కీచురాళ్ళ ధ్వనులలో దాగున్నది రాతిరి ||

.......వాణి, 21 jan 16