గజల్ కాన్వాస్ ....... 49

నింగికురవని నీటితుంపర మబ్బుతునకగ మారిపోనా ॥ 
అవనితడుపుతు వరములిచ్చే మేఘమాలగ మారిపోనా ॥

భూమితల్లికి గుండెఎండగ పగిలిపొయెను బీడువారుతు 
ఆర్తి తీరగ తడిసిమురిసే మమతవానగ మారిపోనా ॥

చెట్టు పుట్టలు జీవజాతులు దు:ఖనీటిని తాగుతుంటే 
తరులవిరులకు సిరులునింపే చెలిమివానగ మారిపోనా ॥

ప్రకృతిఅంతా అలుకబూనుతు ఎండమావిగ మారిపోతే 
పలుకరించగ మట్టి మధురత నీటిచుక్కగ మారిపోనా ॥

తల్లడిల్లెను తరువులన్నీ గ్రీష్మతాపం ఓపలేకనె 
పూలువిరియగ పుడమితల్లిపై తేనెసోనగ మారిపోనా ॥

పండుటాకులు ఎండిరాలుతు పొగిలిఏడ్చెను తేమకోసం 
దప్పితీరగ ధరణిమాతకు మంచువానగ మారిపోనా ॥

..........వాణి , 17 march 16