నీ స్మృతుల సిరులతోన ముడిపడుతూ ఉంటానూ ||
అనుభవాల కాలానికి ఋణపడుతూ ఉంటానూ ||

అద్దంలో నా రూపం కలవరాలు ప్రకటిస్తె
విరిగికపోయి మనసంతా వ్యధపడుతూ ఉంటానూ ||

నవ్వుతున్న నీ రూపం స్వప్నంలో స్పర్శిస్తూ
చెంతనుంది నువ్వేనని భ్రమపడుతూ ఉంటానూ ||

చిరునవ్వుల దీవెనలకు చిందిపడ్డ భాష్పాలు
దు:ఖముతో సంతసమై తడపడుతూ ఉంటానూ ||

తడుస్తున్న చీకటిలో దారితప్పి వెతుకుతూ
ఊపిరిచ్చు వేకువకై పరిగెడుతూ ఉంటానూ ||

నీ ఊహలొ విహరిస్తూ మురవాలని ఆరాటం
మౌనంతో మానసాన్ని జోకొడుతూ ఉంటానూ ||

ఙ్ఞాపకాల గాయాలే గేయాలై ప్రవహించెను
మౌనాలతొ భావాలతొ తలపడుతూ ఉంటానూ ||

........వాణి, 11 march 16