గజల్ కాన్వాస్ .... 48

మౌనాలు మదిలోకి పిలిచాయి చూడు ॥
గుండెల్లొ గురుతుల్ని తడిమాయి చూడు ॥

బాధలే నీవెంట నడిచొస్తు ఉంటే
చిరునవ్వు దీవెనలు మరిచాయి చూడు ॥

ఆశలే ఆకులై రాలుతూ ఉన్నా
నిశలన్ని నీ వెనుక తరలాయి చూడు ॥

తదిమనసు తపనతో తరలేది ఎటకో
చినుకులే నీ వెంట నడిచాయి చూడు ॥

రాలాయి కన్నీళ్ళు ఎందుకో ఏమో
జల్లుల్లొ ఆ తడులు కలిశాయి చూడు

దూరంగ ఓ తళుకు రమ్మంటు పిలిచె
దారంత మిణుకుల్ని పరిచాయి చూడు ॥

నిశబ్దం చీల్చింది ఓ చినుకు వాణి
నవ్వులే వర్షంలో రాలాయి చూడు ॥

కన్నీటి తరగలతొ చెలిమెంత సేపు
ఓప్రేమ తెమ్మెరలు వీచాయి చూడు॥

నీ నడక తడబాటు నగుబాటు కాక
పరికించు పాదాలు తడిమాయి చూడు ॥

ఎంతెంత దూరమో సాగిపోతున్నా
గమ్యాలు నీ దరికి చేరాయి చూడు ॥

.............వాణి ,8 march 16