నిన్నల్లో ఓడుతూ మరలేటి వేదన
గాయమే గెలుపుగా మిగిలేటి వేదన ||

నేడంత చెలిమిగా మారింది చూడు
అనుభవం గురుతుల్లొ మోసేటి వేదన ||

దు:ఖమే నాడెంత నవ్విందొ తెలుసా
గతమౌతు మౌనమై మెదిలేటి వేదన ||

ఆశంత అశ్రువై భావమే సాధన
నిరాశనే నవ్వుతో తొలిచేటి వేదన ||

గుండెల్లో ఘాటుగా తాకింది బాదే
కన్నీళ్ళ అమృతం తాగేటి వేదన ||

అలకెంత కోరికో తీరాన్ని తాకగా
పొరాట పటిమతో నడిచేటి వేదన ||

భావమే బ్రతుకుగా సాగుతూ వున్నది
కన్నీటి గీతాలు పాడేటి వేదన ||

వెలుగుల్ని చీకటే దాచింది అప్పుడు
నమ్మకం నెగ్గుతూ సాగేటి వేదన ||

ఎదలోతు అలజడే అందాల గేయము
కావ్యాల పుటలలో నిలచేటి వేదన ||

చింతలో చినుకుల్ని రాల్చింది మనసే
ఓ వాణి మదిలోన తొలచేటి వేదన ||

......వాణి, 21 march 16