ముషాయిరా గజల్............

మనసుకైన గాయాలను మాన్పుటెంత కష్టమో ||
కలతలోన కన్నీటిని దాటుటెంత కష్టమో ||

ఇంకిపోయి కలలన్నీకరుణచూపుతున్నాయి
విరిగిపోయి మానసాన్నికూర్చుటెంత కష్టమో ||

తలరాతకు తలవంచక తప్పదులే జీవితము
విధిరాతను ఎదురురీది గెలుచుటెంత కష్టమో ||

హద్దులేని ఆశలెన్నొ మదిని పలుకరిస్తాయి
నిజములోన స్వప్నాలను నెగ్గుటెంత కష్టమో ||

నిదురించని రాత్రిలోన మౌనంతొ పోరాటం
కునుకులేక మనసుబాధ మరచుటెంత కష్టమో ||

ఊహించని ఉప్పెనలే సంద్రంలో కల్లోలం
ప్రకృతమ్మ ఆగ్రహాన్నిఎరుగుటెంత కష్టమో ||

మనసుతడికి మూగతనపు ముసుగుకప్పుకున్నాక
మౌనవాణి భావాలను పలుకుటెంత కష్టమో ||

తిమిరాలే తోడుతాయి ఙ్ఞాపకాల గాయాలు
ఊపిరిచ్చు ఉషోదయం నిలుపుటెంత కష్టమో ||

రెప్పచాటు దుఃఖంలో మోయలేని భారాలు
కంటికుండ ఒలకనీక దాచుటెంత కష్టమో ||

ఓగెలుపుల ఆనందం మౌనంగా మరలింది
తడుస్తున్న చీకటిలో మసలుటెంత కష్టమో

..........వాణి,25 feb 16