Wednesday, 6 April 2016

నీ స్వరముల లాలనలో ఒదగాలని ఉంది ||
నీ పాటలో రాగంగా ఇమడాలని ఉంది ||

నీ చూపుతొ మనసుకలిపి పరవశమై పోతూ
నీ మమతల మధువులనే గ్రోలాలని ఉంది ||

నీ నడకలొ అడుగుకలిపి శాశ్వతమై నిలిచి
నీ ప్రణయ కుసుమంలా మిగలాలని ఉంది||

నీ అనురాగ వర్షాలు చంద్రకాంతి జలపాతం
సిరివెన్నెల జల్లులలో తడవాలని ఉంది ||

తిమిరాలను తరిమేస్తూ కౌముదినే పలికిస్తు
నీ స్పర్శల తుంపరలో మురవాలని ఉంది ||

.........వాణి, 25 March 16

No comments:

Post a Comment