అమ్శకంటే ప్రేమపంచే మనసుఎక్కడ జగతిలోన ||
అవనికన్నా వరములిచ్చే తావుఎక్కడ జగతిలోన ||

కాలదీపం వెలుగునివ్వదు విధిఆడెలే వింతనాటకం
కాంతినిండని మనసులెన్నో ప్రేమలెక్కడ జగతిలోన ||

అందమైనా ఆశలెన్నో ఆటుపోటుల బతుకులెన్నో
కలతమనసుల కలవరాలకు తోడుఎక్కడ జగతిలోన ||

ఆశలన్నీ అలసిపోయెను నవ్వులెన్నో చిన్నబోతూ
మధురస్వప్నం మనసుగెలిచే సౌఖ్యమెక్కడ జగతిలోన ||

గుండెచూపుకు దృష్టిదోషం చీకటింట్లో తడుముకుంటూ
జీవితాలే నటనలైతే వెన్నెలెక్కడ జగతిలోన ||

మానవత్వం మౌనమౌతూ లోకమంతా వట్టిపోగా
విషముచిమ్ముతు మలినమనసులు శాంతిఎక్కడ జగతిలోన ||

గాయపడ్డవి గుండెలెన్నో గతముమోసే గాధలెన్నో
వెన్నుదన్నుగ సహకరించే మమతలెక్కడ జగతిలోన ||

........వాణి, 19 feb 16