గజల్ మహల్ ....

అతడే నా ప్రాణమనే గుట్టునెలా విప్పాలి ||
నా మదినే దోచుకున్న ప్రేమనెలా చెప్పాలి ||

అవాంతారాలెన్నో అడుగడుగున ఎదురైతే
తనుఅంటే నేనేనని మౌనమెలా వీడాలి ||

సెలయేటికి తెలుసుకదా మా మమతల స్నేహకద
అలనాటి ప్రమాణాల సాక్ష్యమెలా చూపాలి ||

ఆ తరువుల నీడలోన ఒట్టువేసి వెళ్ళెకద
బంధాలను వీడలేను ఆంక్షలెలా దాటాలి ||

ప్రణయాల కధనాలు సమీరమే మోస్తుంటె
తనఅడుగుతొ నా అడుగులు కలిపిఎలా నడవాలి ||

చినుకులే రాల్చాయట చిరునవ్వుల తలంబ్రాలు
ప్రకృతివే ఆశీస్సులు ఋరుజువునెలా గెలవాలి ||

అలవిసిరిన తుంపరలే అక్షింతలు అనుకుంటు
మూగబోయె మా మనసులు దీవెనెలా కోరాలి ||