ముషాయిరా గజల్ ....

మదినసలిపే వేదనంతా తొలగుతుంటే మేలుకాదా ॥
నవ్వుకుంటూ కాలమంతా నడుస్తుంటే మేలుకాదా ॥

మాసిపోయిన మధురస్వప్నం మనసుతడిగా మిగిలిపోతే
కంటితడిలో కలతకలలే చెమరుతుంటే మేలుకాదా ॥

కంటిముందర కదులుతున్నది గుండెనలిపే ఘటనఒక్కటి
చెరిగిపోనిది మధురమౌతూ తలచుతుంటే మేలుకాదా ॥

మౌనవాణియ పెదవిదాటక ఓర్పుగానే మిన్నకుండెను
గుండెలోతుల గాధలన్నీ విప్పుతుంటే మేలుకాదా ॥

సందిగ్దపు స్పర్దలెన్నో చంచలముగా మిగులుతుంటే
తామరాకున నీటిబొట్టుగ మసలుతుంటే మేలుకాదా ॥

కొంతప్రేమ కొన్నినవ్వులు బ్రతుకుఅంతా గడిచిపొనీ
చివరిమజిలీ భారమవ్వక ముగుస్తుంటే మేలుకాదా ॥

........వాణి ,18 march 16