గజల్ మహల్ .......
జ్ఞాపకాల పూదోటలొ విరియాలని ఉన్నది ॥
నాటిలోకి నడచివెళ్ళి మురవాలని ఉన్నది ॥
నాటిలోకి నడచివెళ్ళి మురవాలని ఉన్నది ॥
గుర్తులలో కురుస్తున్న మెరుస్తున్న దృశ్యాలు
స్నేహమైన పునాదులను తడమాలని ఉన్నది ॥
స్నేహమైన పునాదులను తడమాలని ఉన్నది ॥
ఆత్మీయపు ఆలింగన సంతకాల సేకరణ
అద్భుతాల అనుభూతులు చేదాలని ఉన్నది ॥
అద్భుతాల అనుభూతులు చేదాలని ఉన్నది ॥
చిన్నచిన్న అలుకలతో మూతివిరుపు మౌనాలు
చిరునవ్వుల చిరునామా వెతకాలని ఉన్నది ॥
చిరునవ్వుల చిరునామా వెతకాలని ఉన్నది ॥
చెట్లపైన చెక్కుకున్న చెరిగిపోని గుర్తులు
విఙ్ఞానపు కోవెలలో గడపాలని ఉన్నది ॥
విఙ్ఞానపు కోవెలలో గడపాలని ఉన్నది ॥
అనుభవాల ప్రయాణాలు భవితవెతకు బాటల్లో
నేస్తాలతొ గెలుపురుచులు పంచాలని ఉన్నది ॥
నేస్తాలతొ గెలుపురుచులు పంచాలని ఉన్నది ॥
....... వాణి , 6 march 16
No comments:
Post a Comment