గజల్ .......

.
ఓ నవ్వు చీకటిని చెరుపుతూ ఉంటుంది ||
ఓ వెలుగు దీవెనగ సాగుతూ ఉంటుంది ||

.
తరలింది కాలమే వేకువల సాక్ష్యంగ
ఆశలను చినుకులుగ రాల్చుతూ ఉంటుంది ||

.
ఏమార్చె నిన్నలే వేదనలు మరుగౌతు
కథలన్ని కన్నీట జార్చుతూ ఉంటుంది ||

.
అలజడే మనసంత చెమరించి జ్ఞాపకం
మౌనమే చెలిమిగా చెరుపుతూ ఉంటుంది ||

.
ఓ ధ్యాస ఓ వాణి పొత్తిళ్ళ స్పర్శగా
గుండెల్లొ తచ్చాడి తడుముతూ ఉంటుంది ||

.
రేయంత నిట్టూర్పు నిలదీసి అడిగింది
కనుపాప ఓదార్పు నేర్పుతూ ఉంటుంది ||
.

.........వాణి, 12 Sep 16