గజల్ .......

.
ప్రతీక్షణం మధురమైన మౌనాలను అడిగింది ||
కాలమంత యాంత్రికమై కన్నీళ్ళను ఒలికింది ||

.
విషాదాలు వెంటుంటే వెన్నెలెలా చూడనూ
చీకటి మది చిరునవ్వుల దీవెనలను కోరింది ||

.
కలతలతో నిదురలేని రాత్రులనే గడిపాను
ఙ్ఞాపకమే కలవరాల భావాలను రాల్చింది ||

.
ఊహకూడ ఉరకలేయు అవసరంగ మారింది
విజయానికి వెంటాడే ఓటములను వెతికింది ||

.
అశ్రువులకు అందాలను అద్దలేక పోతున్నా
ఆశలతో కనుపాపే స్వప్నాలను వేడింది ||

.
మధురవాణి మాటాడే మనసుభాష ఏమిటది
చెరపమంటు గాయమైన చరిత్రలను చూపింది ||

.
.......వాణి ,24 August 16