కునుకులేని రేయిపైన కినుకెందుకు రాదో మరి ll
స్వప్నాలే బ్రతుకువేట విసుగెందుకు రాదో మరి ll

.
అవసరాల ఆందోళన నటనగానె సంతోషం
ధనకాంక్షకు దాసోహం మార్పెందుకు రాదోమరి ll

.
అడుగడుగున ఆశలేన సేవకు విలువేలేదా
భోషాణం నిండివున్న స్ఫూర్తెందుకు రాదోమరి ll

.
ఆనందపు అన్వేషణ అలుపెరుగక సాగాలా
చీకటెనుక వెన్నెలని ధ్యాసెందుకు రాదోమరి ll

.
మదిగాయం మౌనవించి మాసిపోకున్నదేమి
నిశ్శబ్దపు నిరీక్షణకు కరువెందుకు రాదో మరి ll

.
తడిఆరని తలపుల్లో తరిగిపోని ఆనవాళ్లు
మధుర వాణి మౌనానికి మాటెందుకు రాదో మరి ll

.......వాణి , 8 Oct 16