మనసుగీసే చిత్రమే అది మారనీయకు నేస్తమా ||
చెలిమి పువ్వుల పరిమళాలను వాడనీయకు నేస్తమా ||

చీకటెంతగ తరుముతున్నా వెలుగువైపుకు తరలిపో
దూరమెంతటి భారమైనా నిలువనీయకు నేస్తమా ||

మమతలద్దుకు పెనవేసుకో అందమైనది జీవితం
ప్రేమ పంచే మధురకాంక్షను చెరగనీయకు నేస్తమా ||

నిన్నలన్నీ సమసిపోవవి గుండెలోనె నిలిచిపోతు
ఆత్మపయనం నిత్యమైనా చేరనీయకు నేస్తమా ||

బ్రతుకుయానం పోరాటమైనా సాగిపోవక తప్పదు
నిందవేసే సావాసమైతె దారినీయకు నేస్తమా ||

ఘాటైనది గాయమేదో తడితలపులన్నీ నిధులుగా
మౌనవాణి మదినలోతులు విప్పనీయకు నేస్తమా ||

......వాణి, 25 Nov 16,