నిదురలేని రాత్రులన్ని మౌనంగా గడిచాయి ||
నిలదీస్తూ చీకటులను భారంగా గడిపాయి ||

చూపులన్ని శూన్యానికి అంకితమై పోతుంటె
ఊహలన్ని ఉప్పెనలై దు:ఖంగా కదిలాయి ||

కునుకులేక కనుపాపలు నిరాశతో నలిగితే
స్వప్నాలను రమ్మంటూ సాయంగా అడిగాయి ||

ఓదార్పుల తీరంలో నిట్టూర్పుల రాగాలె
సానుభూతి సమీరాలు గాయంగా మారాయి ||

తీరలేని కోరికలే కన్నీటిలొ ఈదుతూ
మదినిండిన భావాలే కావ్యంగా మిగిలాయి ||

మౌనంలో అలజడులు మధురవాణి నిశ్శబ్దమె
పెదవెనుకన పలుకులన్ని ప్రాణంగా మారాయి ||

.....వాణి , 29 August 16