కోరుకున్న వరమునిచ్చి రాల్చేస్తే ఏంచెయ్యను
ఎదగకుండ చిదిమేస్తూ ఓడిస్తే ఏంచెయ్యను

వెలుగువాన కోరలేదు భోగాలను అడగలేదు
చీకటితెర కప్పేస్తూ దాచేస్తే ఏంచెయ్యను

అడుగడుగున ఓటములే చెమరింతల కానుకలే
కష్టానికి ఫలమివ్వక దోచేస్తే ఏంచెయ్యను

నమ్మకాన్ని నమ్ముకుని సాగుతున్న పయనమే
ఊహించని వేదనలో ముంచేస్తే ఏంచెయ్యను

మధురవాణి మనసులోన మౌనాలే తోడున్నవి
అలనాటివి అలజడులే తడిపేస్తే ఏంచెయ్యను

.....vaani, august 31 2016