గజల్ ........

.
చూపులు కురిసే మమతల భాషను కంటవి కన్నులు ||
మదిలో భావం మౌనం గానే మోస్తవి కన్నులు ||

నయన పుటములో ముసిరే వున్నవి కలతలు ఎన్నో
ఉసూరు మంటూ ఊహల కథలే చెప్తవి కన్నులు ||

వాణివి కలలే చెదిరి పోయెనా నిర్లిప్తంగా
ఆనవాళ్ళలో చరిత్ర గాధలు వింటవి కన్నులు ||

విషాద గీతం తాత్వికమైనది ఆలాపిస్తే
అనుభవ పాఠం గుండెలొగాయం చూస్తవి కన్నులు ||

మూగగ మనసున దాగి వుండెనా మర్మా లెన్నో
చెలిమి చేతిలా ప్రేమ స్పర్శలా దాస్తవి కన్నులు ||

కంటిపాపలో దాగి వుండెనా గుర్తులు ఎన్నో
చింతలు వేసే చీకటి ప్రశ్నల ఉంటవి కన్నులు ||

కనులే చెప్పెడి బోధనలెన్నో కన్నీరౌతూ
రెప్పల తెరలే కప్పి వుంచుతూ మూస్తవి కన్నులు ||

.......వాణి,  28 Oct 16