గజల్ .........

.
మమతలనిధి అమ్మఒడి మెప్పించుట సులువుకదా ||
తల్లిస్పర్శ తాకగానె నిదురించుట సులువుకదా ||

.
గుండెలోతు గాయమొకటి మౌనానికి భారమైతె
ఆత్మీయత హత్తుకుంటె ఓదార్చుట సులువుకదా ||

.
చీకటిలో చెరపలేని చిందించే కన్నీళ్ళు
వేకువిచ్చు వెలుగులతో తొలగించుట సులువుకదా ||

.
మమకారం వర్షిస్తే అలవికాని ఆనందం
తన్నుకొచ్చు దుఃఖాలను తరలించుట సులువుకదా ||

.
పెదవిదాటి రానిమాట ప్రకటించే భావమేమి
నిశ్శబ్దం నిగ్గుతేల్చి పలికించుట సులవుకదా ||

.
తీరాలను తాకాలని అలలకెంత ఆరాటం
సాధననే స్వాగతించి సాగుతుంటె సులువుకదా

.
దయలేనిది కాలమైన దాటిపోక తప్పదుగా
నమ్మకాన్ని నమ్ముకుంటె సాధించుట సులువుకదా ||

.
......వాణి, 13 August 16